Þetta er svona

Fréttablaðið og Blaðið á laugardag og Mogginn í dag hafa sagt frá því að við Andrés Jónsson séum að skoða möguleika á að setja á fót nýjan miðil til að auðga flóruna á netinu. Þetta er svona, gengur vel, skýrist vonandi bráðum.

Við Andrés höfum þekkst í nokkur ár og uppgötvuðum í vetur sl. að við vorum báðir búnir að vera með svona áform á prjónunum. Þá var ég farinn að ræða um þetta við Jón Garðar félaga minn sem er þrautreyndur og farsæll í viðskiptalífinu. Við Andrés sýndum hvor öðrum á spilin í vor og ákváðum að kanna framhaldið saman með Jóni. Það lítur ágætlega út, kosturinn við netið er sá að það þarf ekki að stofna neitt Group utan um svona rekstur. Þetta er núna á ágætu róli á hönnunarstigi en það er ýmislegt ófrágengið enn.

Athugasemdir

[Rúnar Birgir Gíslason, 11.6.2007 kl. 18:26]

Og ég hélt að þetta væri Óli Björn, kannski hann verði með ykkur

[Atli Fannar Bjarkason, 11.6.2007 kl. 19:57]

...og hvað á barnið að heita?

[Pétur Gunnarsson, 11.6.2007 kl. 21:56]

Ég var í skírn í gær Atli, hann heitir Galdur og er Þorsteinsson, sonur bróðurdóttur minnar. Rúnar, þú segir nokkuð.

[Hákon Hrafn (IP-tala skráð) 11.6.2007 kl. 23:08]

Það verður gaman að fylgjast með þessu, gangi ykkur vel.