Engin uppstokkun stjórnarráðs?

Ég var að leyfa mér að vona að nýja ríkisstjórnin byrjaði á því að endurskipuleggja stjórnarráðið og fækka ráðuneytum. Kannski er ég að lesa of mikið í þessa yfirlýsingu Ingibjargar Sólrúnar en mér finnst eins og hún bendi til þess að menn ætli að halda sama stólafjölda, 12 ráðherrar, þar á meðal sérstakur landbúnaðarráðherra og sérstakur sjávarútvegsráðherra.

uppfært kl. 16.13. Heyri að þótt stólafjöldinn verði sá sami kunni e.t.v. að verða einhver breyting, t.d. eru iðnðaar- og viðskiptaráðuneyti tvö ráðuneyti þótt sami ráðherrann hafi verið yfir þeim í síðustu ríkisstjórnum. 

 

Ingibjörg Sólrún: Skipting kynja í ráðherraembættum jöfn

Athugasemdir

[Pétur Tyrfingsson, 22.5.2007 kl. 13:36]

Verður ekki að breyta lögum?

[Stefán Bogi Sveinsson (IP-tala skráð) 22.5.2007 kl. 13:54]

Jú það þarf að breyta lögum, en ef stefnt væri að því að gera það strax hefði verið eðlilegt að fækka ráðherrum fyrst og ráðuneytum svo með lagabreytingu. Ekki að það skipti miklu, en ég les þetta eins og PG og sýnist að það verði skipaðir 12 ráðherrar, 6 úr hvorum þingflokki. Er meira að segja með spá á blogginu hjá mér.

[Daði Einarsson (IP-tala skráð) 22.5.2007 kl. 14:10]

Jú það þarf að breyta lögum en sami ráðherran getur farið með fleira en eitt ráðuneyti þar til lögum er breytt, t.d. er hefð fyrir því að sami ráðherra fari með bæði iðnaðarráðuneyti og viðskiptaráðuneyti sem eru þó formlega tvö ráðuneyti.

[Pétur Gunnarsson, 22.5.2007 kl. 15:49]

Allt rétt sem hér er sagt og eðlilegast að breyta stjórnarráðslögunum í upphaf kjörtímabils ef það er ætlunin en auðvitað er hægt að splitta upp ivr og setja t.d. lan og sjú í hendur sama manns.