15 ár frá Skítlegu eðli - hátíðarhöld ná hámarki á forsíðu Mbl.

Hátíðarhöld sjálfstæðismanna og (annarra áhugamanna um bandarískt þingræði) standa nú yfir til að minnast þess að hinn 13. febrúar voru liðin 15 ár frá því að forseti Íslands lét falla hin ósmekklegu ummæli um skítlegt eðli Davíðs Oddssonar. Nær hátíðin hámarki með frétt á forsíðu Morgunblaðsins í dag.

Fréttin er fólgin í því að með orðhengilshætti hefur ritstjóra Morgunblaðsins tekist að snúa út úr auðskiljanlegum ummælum, sem forsetinn lét falla í viðtali við Egil Helgason á Stöð 2 í gær. Útúrsnúningnum er slegið upp í fjórdálka forsíðufrétt. Öllum sem viðtalið heyrðu mátti vera ljóst að þar var forsetinn ekki að halda því fram að stjórnarráðið væri deild í forsetaembættinu heldur hinu að sú túlkun væri álíka langsótt og hin að forsetaembættið væri deild í stjórnarráðinu, eins og sjálfstæðismenn virðast telja. Þarf mikinn hæfileika til skapandi heyrnar eða vilja til að slíta ummæli úr samhengi til þess að geta lagt út af ummælunum eins og Morgunblaðinu tekst að gera í forsíðufrétt og ritstjórnargrein í dag. Þeim, sem ekki þekkja til á ritstjórninni, þykir sjálfsagt undarlegt að enginn samstarfsmanna ritstjórans hafi náð að telja hann ofan af því að leggja forsíðu blaðsins undir þessa vitleysu.

Athugasemdir

[Sigfús Þ. Sigmundsson, 19.2.2007 kl. 16:03]

Þessi illkvittni ritstjóra Moggans í garð forsetans varð einmitt til þess að ég sagði blaðinu upp fyrir nokkrum árum og var ég þá búinn að vera áskrifandi frá því að ég fór að heiman.  Tími flokksblaðanna er liðinn en sú staðreynd virðist ætla að skila sér seint og illa til eigenda blaðsins og ritstjóra.....

[Haraldur Haraldsson, 19.2.2007 kl. 16:19]

I hita leiksins segja menn stundum það sem betur hefði ekki verið sagt/En Olafur Raggnar Grimsson er Forseti okkar allra og hefur staðið undir þvi að bestu getu sem hægt er að minu mati/Þetta að vera að rifja þetta upp er skitlegt eðli segji eg!!!!Halli Gamli XD

[Eiríkur Kjögx, gamall smaladrengur (IP-tala skráð) 19.2.2007 kl. 16:34]

Ritstjórinn er greinilega úti í Móa.

Klappa saman lófunum
reka féð úr móunum.
Vinna sér inn bita,
láta ekki hann pabba vita.

Klappa saman lófunum
reka féð úr móunum.
Tölta á eftir tófunum,
tína egg úr spóunum.