Margrét er enn handan við hornið, á fundi með JFM

Þótt enn sé beðið eftir því að framboðsmál Margrétar Sverrisdóttur skýrist og að niðurstaðan, sem var handan við hornið fyrir mörgum dögum, komi fram í dagsljósið er unnið af krafti að undirbúningi framboðs.

Margrét tók daginn í dag snemma og snæddi morgunverð með Jakobi Frímann Magnússyni, Stuðmanni, varaþingmanni Samfylkingarinnar og nýjum umboðsmanni Silvíu Nóttar á Hótel 101. Væntanlega verður Jakob einn helstu forkólfa nýja framboðsins en meðal annarra sem rætt er um í tengslum við framboð Margrétar er Ómar Ragnarsson.

Athugasemdir

[Steini Briem (IP-tala skráð) 20.2.2007 kl. 12:43]

Ég er ekki viss um að eftirspurnin eftir Margréti verði í samræmi við framboðið.

[Pétur Gunnarsson, 20.2.2007 kl. 12:47]

það kemur í ljós Steini nema þau fari á sveitaballarúntinn saman, hún Jakob Frímann og Ómar, ég held að það gæti orðið eftirspurn eftir því, sérstaklega ef þau taka Silvíu Nótt með sér.

[Steini Briem (IP-tala skráð) 20.2.2007 kl. 13:43]

Það vantar góða og klára "stráka" eins og þig inn á þing, Pétur minn, sama í hvaða flokki þeir standa. Það væri óskemmtilegt ef allir væru sammála um alla hluti. Magga er líka fín og það væri gaman að sjá hana á þingi, enda þótt ég ætli ekki að kjósa hana. Jakob nýtur hins vegar ekki mikilla vinsælda sem stjórnmálamaður og Ómar hefur sagt að hann hafi ekki tíma til að sitja á þingi. Og Silvía Nótt var bara einnar nætur gaman. 

[Jóhanna (IP-tala skráð) 20.2.2007 kl. 13:57]

 Pétur á þing sammála siðast ræðumanni, sá þetta þegar þú varst smá patti.

Jóhanna (gamla barnapían þín :) :) 

[Ragnar Bjarnason, 20.2.2007 kl. 14:00]

Ég átti nú ekki von á þessu en JFM er kannski til í að hoppa í þann vagninn, sem honum þykir líklegastur. Ég hef reyndar ekki ennþá séð eða heyrt af neinum með Margréti, sem líklegur er til að afla einhvers fylgis og þá mæðir nú heilmikið á henni.

[Pétur Gunnarsson, 20.2.2007 kl. 14:46]

Athyglisvert. Steini og Jóhanna, takk fyrir mig en ég held ekki.