Fagra Ísland vill álver á Bakka

Ingibjörg Sólrún var á almennum fundi á Húsavík á á dögunum. Í tilefni af komu formannsins í bæinn hélt stjórn Samfylkingarfélagsins á staðnum fund og samþykkti ályktun þar sem lýst er eindregnum stuðningi við áform um álver á Bakka, sem semja á um við Alcoa. Þessi ályktun var kynnt og lesin upp á fundi formannsins

Vefritið Skarpur, sem er fréttavefur á Húsavík, greinir frá þessu. Í ályktuninni segir:

Stjórnin lýsir fullum stuðningi við fyrirhugaðar álversframkvæmdir á Bakka við Húsavík enda verði orka til versins sótt í háhitasvæði í Þingeyjarsýslum. Framkvæmdir við álver á Bakka munu hafa jákvæð áhrif á búsetuþróun á Norðurlandi og styrkja verulega fjárhag sveitarfélaga á svæðinu. Slíkar framkvæmdir eru nauðsynlegt mótvægi við þá þenslu sem verið hefur á höfuðborgarsvæðinu en hún hefur raskað verulega jafnvægi í búsetu landsins. Stjórnin leggur til að inn í viðræður við Alcoa um byggingu álvers verði teknar hugmyndir um samvinnuverkefni í uppgræðslu og skógrækt sem miði að því að binda að minnsta kosti jafnmikið magn af koltvísýringi og rekstur fyrirhugaðs álvers losar.

Beðið um skýr svör um hugsanlega tilfærslu Reykjanesbrautar

Athugasemdir

[Aðalsteinn J. Halldórsson (IP-tala skráð) 17.1.2007 kl. 11:24]

Rétt er að taka fram að Ingibjörg gaf ekki upp afstöðu sína gagnvart álverum landsins á þessum fundi, frekar en fyrri daginn. Hún hélt sömu ræðuna um að einungis sé pláss fyrir eitt álver á næstu árum sem hún hefur margoft lýst yfir, án þess að taka afstöðu til þess hvaða álver af þeim þremur sem eru í myndinni sé vænlegasti kosturinn. Þessi áliktun kom því einungis frá Samfylkingarfélaginu á Húsavík sem hefur verið einhuga í stuðningi sínum við álversframkvæmdir á Bakka frá upphafi, sem virðist þó hafa lítil sem enginn áhrif á forustu flokksins.

Semsé, ekkert nýtt frá flokksforustu Samfylkingarinnar, einungis sama "hugsanlega", "ef til vill" og "sjáum til" í málefnum álversins á Bakka. Ekki glæsilegur kostur fyrir stuðningsmenn álvers á Bakka í komandi kosningum.

[Guðmundur H. Bragason, 17.1.2007 kl. 14:31]

Því miður þá er þetta hefðbundinn málflutningur Samfylkingarinnar og ekki síst Ingibjargar, það er flótti frá ákvarðanatökum varðandi málefni. Það sama á sér stað í Hafnarfirði þar sem bæjaryfirvöld selja Alcan lóð undir stækkun en taka síðan enga afstöðu til stækkunar. Ef stækkun álversins í Straumsvík verður felld í Hafnarfirði ætlar bærinn þá að kaupa lóðina til baka? Bara smá pæling.