Blogg um blogg

Ég hef lengi verið áhugasamur lesandi erlendra fjölmiðla á netinu og fór að fylgjast daglega með bandarísku fréttabloggi fyrir rúmum sex árum síðan eða um það leyti sem George W. Bush komst til valda með dómi Hæstaréttar Bandaríkjanna, illu heilli.

Ég hef haft mjög gaman af því að fylgjast með því hvernig vefmiðlar vestanhafs hafa fært til landamæri  í blaðamennsku, þeir veita nýtt sjónarhorn á málin og nýja nálgun sem mér finnst gríðarlega spennandi, að ekki sé nú talað um þá möguleika sem þeir veita blaðamönnum á að vera eigin herrar. Meðal þeirra sem ég nota mest eru t.d. Raw Story, Huffington Post og Talkingpointsmemo.  Sumir þessir miðlar leggja meira upp úr fréttum, aðrir eru ennþá bloggsíður en samt annað og meira og þurfa ekkert stórkostlegt eigendabatterí á bak við sig.

Athugasemdir

[María Kristjánsdóttir, 9.6.2007 kl. 22:42]

áhugavert

[Oddur Ólafsson, 11.6.2007 kl. 15:02]

Arianna Huffington er beitt.  Hún er klassískt dæmi um ameríska drauminn, innflytjandi frá Grikklandi sem nú er í hópi helstu pólitísku spekúlanta Bandaríkjanna.  Hefði hún getað náð svona langt á Íslandi?

Ég hafð ofboðslega gaman að fylgjast með upphafi Huffington post, hvernig hún afhjúpaði Judy Miller og hvernig hún hefur bent á að Tim Russert er í raun eins og fréttaritari en ekki fréttamaður.  

Eins var hún í hópi þeirra sem hvað fyrst gagnrýndu stríðið.  Hún hefur líka bent á linku demókrata (sérstaklega Hillary) sem henni virðist meinilla við.

Hún er þátttakandi í vikulegum hálftíma pólitískum útvarpsþætti, sem er sennilega sá skemmtilegasti hérna vestan hafs og þótt víðar væri leitað.  Sá nefnis Left, Right and Center og má finna á kcrw.org