Bestu vinir aðal

Mér heyrist að flestir reikni með því að Kristrún Heimisdóttir verði aðstoðarmaður Ingibjargar Sólrúnar  í utanríkisráðuneytinu. Rétt eftir að Össur mætti í iðnaðarráðuneytið í dag kom á fund hans þangað Einar Karl Haraldsson og lásu ýmsir í þá heimsókn þannig að hann verði Össuri til aðstoðar þetta kjörtímabil.

Annars er eftirfarandi nöfn oftast nefnd í mín eyru sem væntanlegir aðstoðarmenn í ráðuneytum Samfylkingarinnar: Róbert Marshall, Guðmundur Steingrímsson, Dofri Hermannsson, Helga Vala Helgadóttir, Guðný Hrund Karlsdóttir. Er þetta bara ekki sennilegur hópur, jafnt kynjahlutfall amk, þannig að þetta er hæfilega PC, sýnist mér, en ef sagan með Einar Karl er rétt, gengur eitt nafn af. Svo er spurning með Mörð Árnason, sem nú er á lausu, eftir að hafa fallið af þingi.

Í aðstoðarmannaliði Sjálfstæðisflokksins verða líka breytingar því að Ragnheiður Elín, aðstoðarmaður Geirs, sest á þing og Sturla hættir. Þórlindur Kjartansson er nefndur sem aðstoðarmaður  forsætisráðherra en hann er sem kunnugt er þriðja hjólið undir vagni Borgars Þórs og Andra Óttarssonar. Spurning hvern Guðlaugur Þór tekur með sér, nöfn Þóris Kjartanssonar og Björns Ársæls Péturssonar heyrast nefnd í því sambandi.

uppfærsla kl. 1950. Þórir Kjartansson verður ekki aðstoðarmaður Gulla heilbrigðisráðherra.

Athugasemdir

[gþ (IP-tala skráð) 24.5.2007 kl. 16:31]

Geir er búinn að hafa Þórlind sem aðstoðarmann, hann var pólitískur "ráðgjafi" 2001-2003 en af einhverjum ástæðum losaði Geir sig við hann. Illar tungur segja hann hafa verið lélegan starfskraft.

Björn Ársæll er leið til útlanda, hann var á leið í sæti á lista Sjálfstæðisflokksins í 7. sæti en afþakkaði það með þeim orðum að hann vegna vinnu væri hann á leið erlendis, Hong Kong eða Kína hefur heyrst í því sambandi.

[TómasHa, 24.5.2007 kl. 17:11]

Án þess að ég hafi nokkuð fyrir mér í því, þá veðja ég á að enginn þessara ágiskana sé rétt með aðstoðarmenn Sjáflstæðisflokksins.  Þótt þær séu góðar. 

Það er líka rétt hjá GÞ, að Þórlindur starfaði í fjármálaráðuneytinu á þessum árum. Ég veit svo sem ekki afhverju hann er með titilinn í gæsalöppum eða að tala um að losa sig við einhvern.  Það getur verið að það hafi verið eina leiðin sem hann hafi kynnst, en venjulegt fólkákveður stundum að hætta eða breyta til.