Sannar sögur úr sveitum

Heyrði í gær tvær ágætar sögur úr kosningabaráttunni sem ég ætla að miðla hér áfram.

Fyrst þessi: Maður af höfuðborgarsvæðinu, sem nú er orðinn landsbyggðarþingmaður, kom á bóndabæ þar sem verið var að rýja fé. Hann horfði á atganginn og spurði bóndann: Eru menn hættir að taka gæruna um leið og ullina?

Svo þessi: Einn duglegasti landsbyggðarþingmaðurinn er sagður keyra um 100.000 km á ári. Varla fer svo fram útför í kjördæminu að hann sé ekki á meðal syrgjenda. Nýlega var hann einn þriggja gesta í kirkju þar sem öldruð kona var jarðsungin. Hinir tveir kirkjugestirnir litu á manninn og annar spurði: Hver er þetta? Þetta er útfararstjórinn, sagði hinn.

Athugasemdir

[Rúnar Birgir Gíslason, 23.5.2007 kl. 15:43]

Það væri sannarlega gaman að giska á þessi nöfn.

Er ekki viss með þann fyrr en nokkuð með þann seinni, hann er úr VG og dettur helst í hug að hinn sé þaðan líka.

[Pétur Gunnarsson, 23.5.2007 kl. 16:42]

Góður Rúnar, þú ert sjóðheitur

[Ragnar Bjarnason, 23.5.2007 kl. 19:20]

Já það er svona, við Rúni vitum um þennan seinni.

[Rúnar Birgir Gíslason, 27.5.2007 kl. 07:25]

Eins og við Raggi bendum á þá vita allir hver sá seinni er, ótrúlegt að hann nái að mæta á allar samkomur í sínu kjördæmi sem er víðfemt og samt tala manna mest á Alþingi.

Varðandi hinn þá var það bara útilokunaraðferðin. Enginn þingmaður í NV kjördæmi kemur af suðvesturhorninu. Líklega á það við um 1 þingmann NA kjördæmis en VG á einn á Suðurlandi sem er úr Rvík og hefur væntanlega ekki oft komið í sveit, verið upptekinn við lögfræðistörf.

[Pétur Gunnarsson, 27.5.2007 kl. 12:55]

Glöggur, honum var þetta eignað af pólitískum andstæðingi.