Steingrímur J. hellti sér yfir fyrirspyrjanda eftir Kastljósið

Í þætti Sjónvarpsins í gær sá ég Svein Hjört, Moggabloggara og framsóknarmann, standa upp og spyrja Steingrím J. út í ummæli Ögmundar um að það mætti senda bankana úr landi til þess að standa vörð um jöfnuð í landinu. Steingrímur brást reiður við og hjólaði í Svenna, sem er allra manna þægilegastur og ljúfastur í umgengni. En Svenni hefur nú sett frásögn á bloggið sitt af samskiptum þeirra Steingríms eftir þáttinn. Þar stendur þetta: 

Ég sagði þar næst við Steingrím að hann hafi gert lítið úr mér í beinni útsendingu og Framsóknarflokknum. Það næsta sem ég veit var að ég sá að hann varð enn æstari og áfram hélt hann áfram að buna á mig skömmum og sagði m.a.; Blessaður komdu þér bara niður á Laugaveg, þarna Kind.is, þar ertu best geymdur. Ég hefði átt að taka þig betur í gegn þarna inni áðan.”

Miklu meira hér. 

 

Athugasemdir

[Hlynur Þór Magnússon, 2.5.2007 kl. 11:27]

Auðvitað er þetta leiðinleg framkoma hjá Steingrími. Hitt er annað, að

[Hlynur Þór Magnússon, 2.5.2007 kl. 11:28]

(vistaðist allt í einu) ... Hitt er annað, að jafnvel stjórnmálaforingjum leyfist vonandi að vera stundum pirraðir eins og aðrar mannlegar verur og segja þá kannski eitthvað í þeim pirringi.

[Gústaf (IP-tala skráð) 2.5.2007 kl. 11:49]

Steingrímur er ágætur. Tók eftir því, í þætti með oddvitum flokkanna í NA-kjördæmi, að hann taldi ítrekað upp bjórverksmiðju sem dæmi um öflugt atvinnulíf á svæðinu. Sem er frábært mál og ég get vottað að bjórinn sá er stórfínn. En var ekki Steingrímur á móti því að leyfa Íslendingum að drekka bjór? Hann mælir kannski næst með framleiðslustarfsemi fyrir tiltekin kaffihús í Amsterdam?

[Jenný Anna Baldursdóttir, 2.5.2007 kl. 12:05]

Það er ekki sniðugt að taka persónulegt samtal sem er algjörlega óstaðfest og slá því upp sem sannleika.  Sveinn Hjörtur kvartar mikið yfir aðför Kastljóss að Jónínu Bjartmarz og nú leggst hann sjálfur í þann drullupoll að hafa eftir eitthvað sem ekki nokkur leið er að sannreyna.  Langt seilst og ykkur sem lepjið þetta upp til vansa.

[ehud (IP-tala skráð) 2.5.2007 kl. 12:16]

það er vissulega skortur á vitnum, en í ljósi sögunnar og hve oft Steingrímur hefur sýnt af sér fádæma ruddaskap og notað ógeðfellt málfar, verður að teljast mjög líklegt að saga Sveins sér rétt. En málið er að þeir sem fylgja VG að málum líta á hann sem hálf guð og sjá ekki hvernig mann hann hefur að geyma, þrátt fyrir óteljandi dæmi um hið gagnstæða, spyrjið bara Margréti Frímanns.

Það var vel við hæfi að Bjarni Ármannsson kæmi á flokksþing Samfylkingarinnar og boðaði gagnsæi launa, vegna þess að hanns laun eru svo sannarlega uppi á borðinu. SF missir allan trúverðugleika að flagga honum sem einhverju trompi, þrátt fyrir að hann sé eflaust vænsti maður. Gaman að sjá hvað hann brosti eftir að hafa misst vinnuna við hin sökkvum í þunglyndi og fáum ekkert.

[Pétur Gunnarsson, 2.5.2007 kl. 12:42]

Bíddu Jenný, hefur þú upplýsingar um að þeir hafi verið tveir einir þegar þetta gerðist? Það er meira en ég veit.

[Jenný Anna Baldursdóttir, 2.5.2007 kl. 12:57]

Lesa Pétur "persónulegt samtal" getur farið fram á milli fleiri en tveggja.  Ég myndi kalla þetta off-record þar sem SH byrjar umræðurnar og hleypur svo með þennan vægast sagt hæpna afrakstur á bloggið sitt.

Ég þekki ekki til að við sem erum VG lítum á einn eða neinn sem hálfguð.  Við erum ánægð með formanninn og það virðist mér sem flestir fylgismanna hinna flokkana séu þar undir sömu sök seldir, þe ekki mjög uppsigað við eigin formenn.  Merkilegt að vera ekki á móti formanninum í egin flokki! Hm..

[Pétur Gunnarsson, 2.5.2007 kl. 13:08]

Já, Jenný, skil þig, og alveg rétt eins og Hlynur bendir á að í kosningabaráttunni hitnar mönnum í hamsi, þeir trekkjast upp og menn bregðast misjafnlega undir álagi og að menn eiga misjafna daga. Stundum gera menn eitthvað sem þeir sjá eftir og hafa þá vonandi tækifæri og vilja til að bæta fyrir ef þeir telja ástæðu til. Það segir kannski mest um menn hvernig þeir vinna úr því sem gerist.  Allt um það: Þarna hefur Svenni Hjörtur upplifað einhvers konar árás á sína persónu af hálfu Steingríms og hefur fullan rétt á að greina frá sinni reynslu af samskiptum við hann á almannafæri.

[Ólafur Sveinn Haraldsson (IP-tala skráð) 2.5.2007 kl. 14:14]

Þetta var skondið atvik þarna í þættinum. Það má segja samt að Jón Magnússon og Árni hafi komið Svenna til hjálpar. Yfir í annað. Mikið ofboðslega fannst mér gaman af Árna. Hann lét bara hlutina flakka í orðsins fyllstu merkingu, SUS-ara bragur einhver yfir honum. Þið vitið hvað ég meina.

[Jon Sigurðsson (IP-tala skráð) 2.5.2007 kl. 14:28]

...það var Össur sem bloggaði ummælin "....guð forði bönkunum að við komumst til valda....."   ekki VG.....

Ögmundur sagði hinsvegar að það væri skoðandi að senda bankana úr landi...rétt er það...

[Vilhjálmur Andri Kjartansson (IP-tala skráð) 2.5.2007 kl. 15:10]

Hlynur það er eitt að vera pirraður það er annað að girða niður um sig og kúka á manninn

[Pétur Tyrfingsson, 2.5.2007 kl. 15:45]

Tek undir að mér þóttu viðbrögð Steingríms í þættum frekar smekklaus. Þau hefðu ekki verið það eftir mínum smekk ef hann hefði verið að ónotast við annan atvinnustjórnmálamann. En svo var alls ekki heldur ósköp saklaus fótgönguliði sem orðaði meira að segja spurninguna sína svolítið klaufalega þannig að Steingrímur áttaði sig ekki strax á hvað hann var að fara. Ég veit svo ekkert um framhaldið.

Þetta eru gryfja sem stjórnmálamenn geta fallið í. Þeir - alveg eins og við hin - verða stundum svo uppteknir af sjálfum sér og eigin hugmyndum, stundum svo samdauna samherjaumræðunni að þeim finnst stefnumál sín og það sem þeir meina svo sjálfsagt og gagnsætt að öllum öðrum skal ljóst vera. Þegar einhver misskilningur kemur fram eða mótbárur verða þeir pirraðir og jafnvel hundfúlir og bregðast við með: Byrjaðu nú ekki aftur með þessa vitleysu, þetta er löngu afgreitt mál!

Þessi sjúkdómur hrjáði mjög Frjálslynda í innflytjendamálinu og gerir jafnvel enn. Þeirra viðbrögð eru oft pirringur yfir því að andstæðingarnir nenni ekki að kynna sér stefnu þeirra. Sjálfstæðismenn sýna þennan pirring líka í sambandi við lífskjörin og láta eins og "auðvitað eigi öllum að vera ljóst" að Hannes Hólmsteinn hafi jarðar bullið í Stefáni, Gylfasyni og fleirum um skattbyrðina t.d. Lét staðar numið með dæmi. En hér finnst mér Steingrímur lika hafa tekið þessa veiru. Ef maður tekur þátt í pólitík þarf maður að reikna með andstæðingum. Þeir sem eru ósáttir við að hafa andstæðinga þurfa að byrja á því að sætta sig við heiminn eins og hann er til að halda geðró sinni.

Ekki það að ég sé á móti æsingi og leiðindum. Þvert á móti. En það er ekki drengilegt að reiða hátt til höggsins þegar illa skæddir menn og nánast vopnlausir verða á vegi manns!

[Gunnar Th. Gunnarsson, 2.5.2007 kl. 17:33]

Össur Skarphéðinsson viðhafði svipað orðalag á bloggsíðu sinni 16. feb. s.l.

"Þessu ætla ég semsagt að breyta þegar mínir menn fara í ríkisstjórn – og guð forði bönkunum frá því að gera annaðhvort mig eða Jóhönnu Sigurðardóttur að arftaka Árna Matt".

 

[Axel Jón Fjeldsted (IP-tala skráð) 2.5.2007 kl. 23:53]

Ég held að þessi þáttur eins leiðinlegur og hann var framanaf hafi markað þéttaskil hjá VG. Næstum alltaf þegar Steingrímur J. sést á skjánum þá er maðurinn titrandi af reiði. Hann er svona að stimpla karakterinn alltaf betur og betur inn því oftar sem hann tekur þátt í umræðum á opinberum vettvangi. Ég verð að segja fyrir mína parta að ég vil sjá meira af Steingrími. En hann verður kannski ekki eins skemmtilegur næst því hann mun þá reyna að vera kurteis og umburðarlyndari en nokkru sinni.

[Þór Steinarsson (IP-tala skráð) 3.5.2007 kl. 10:08]

Þessi spurning var ákaflega barnaleg og bjánaleg hjá þessu framsóknarmanni í kastljósþættinum og ég skil þetta einhvern vegin þannig að það fari fyrir brjóstið á fólki að Steingrímur hafi farið óvarlega að honum eins og að óvita eða litlu barni. En svo er ekki. Maðurinn er fullorðinn og greinilega sæmilega sjálfbjarga þannig að hann hlýtur að taka afleiðingum gjörða sinna sem voru þær að SJS vottaði honum samúð sína og sendi honum auðvitað tóninn fyrir sauðaskapinn, fyrr má nú vera... En viðbrögðin "Steingrímur var vondur við mig" gefa svo sem ekki í skyn að þar sé á ferð ýkja þroskaður maður.

 En þetta er ljómandi skemmtilegt allt saman og ekki síður gaman að sjá "The usual suspects" blása þetta annars ljómandi atriði upp í eitthvað stórmerkilegt samhengi. Þegar fátt er um aðföng eru afgangarnir notaðar. Það á víst við um Framsókn eins og aðra.