Langt í skólann

Athyglisverðar upplýsingar koma fram í grein Guðjóns Ólafs Jónssonar í Mogganum í dag um afstöðu VG og Frjálslyndra til húsnæðismála námsmanna. Guðjón var á fundi hjá Stúdentaráði með Kolbrúnu Halldórsdóttur, Jóni Magnússyni og fleirum. Hann segir svo frá: 

Kolbrún Halldórsdóttir, þingmaður Vinstri grænna, taldi hins vegar bestu lausnina þá að stúdentum við Háskóla Íslands yrði komið fyrir í fyrrverandi húsnæði bandaríska hersins á Keflavíkurflugvelli, og þaðan gætu þeir ekið kvölds og morgna til náms í Reykjavík. Undir þessa hugmynd tók Jón Magnússon, frambjóðandi Frjálslynda flokksins.

 

Athugasemdir

[Aðalsteinn J. Halldórsson (IP-tala skráð) 21.4.2007 kl. 18:37]

Án þess að ég sé að setja fram neina sleggjudóma, þá er þetta heimskulegasta hugmynd sem ég hef nokkru sinni lesið. Á námsárunum bjó ég sjálfur á stúdentagörðum HÍ og líkaði vel. Áður en ég komst þangað inn leigði ég á Hagamel og líkaði ágætlega líka. Ég hefði nú aldrei hætt að búa á Hagamel og flutt til Keflavíkur. Ekki nema HÍ hefði verið fluttur til Keflavíkur líka, þá er aldrei að vita.

[Gústaf Níelsson, 21.4.2007 kl. 23:19]

Heldurðu Pétur að Guðjón Ólafur sé að segja satt og rétt frá?

[E.Ólafsson, 22.4.2007 kl. 00:15]

Okey svo ef ég skil stefnu VG hafa þeir talað um að minnka mengun, meðal annars með að bæta almennings samgöngur og hafa færri bíla í umferð. Hvernig er hægt að gera það? Jú meðal annars að sjá til þess að fólk þurfi ekki að nota bílinn í daglegum amstri.  Hverjir eru betri en fólk á lágum launum líkt og námsmenn, með að kaupa sér ekki bíl þá geta þeir sparað sér pening og um leið mengað minna um leið.  Hvernig dettur þá fólki í hug að hafa námsíbúðir á suðurnesjum?  Er ekki hægt að útvega námsíbúðir nálægt bænum?  En gaman að heyra að hjá VG að mikilvægt sé fyrir stúdenta að hafa bíl til umráða.

[Jóhannes Ragnarsson, 22.4.2007 kl. 10:10]

Ljótt er að heyra ef satt er. En Kolbrún Halldórsdóttir og Jón Magnússon eru nú dálítið sérstakt fólk og eiga eflaust best heima í Framsóknarflokknum.

[Pétur Gunnarsson, 22.4.2007 kl. 10:13]

Gústaf, nú var ég ekki á fundinum en gef mér að Guðjón Ólafur væri ekki að færa þessar fréttir nema þetta hafi verið svona.