Hleranir, skjöl og byggðastefna

Áhugamönnum um kaldastríðsskjöl er ekki skemmt yfir þeim yfirlýsingum menntamálaráðherrans á þingi í gær ef það er rétt að skilja þær þannig að enginn aðgangur verði veittur að skjölunum næstu fjögur ár. Það er sá tími sem talið er að það telji að flokka skjölin og áætlaður kostnaður við það er 150 milljónir, að því er fram kemur í fylgiskjali með frumvarpi ráðherrans.

Og ráðherrann gaf undir fótinn þeirri hugmynd að láta flytja skjölin út á land og flokka þau þar. Kannski vill hún geyma þau úti í landi til langframa? Það væri vissulega ákveðin leið til þess að gera aðgengi að þeim erfitt og tímafrekt en vandséð hverju öðru það mundi skila.

Athugasemdir

[Steini Briem (IP-tala skráð) 27.2.2007 kl. 12:17]

Já, það er mörgum illa við landsbyggðina. Látum Sjálfstæðisflokkinn flokka þetta. Þeir hafa gott af því eftir kosningarnar. Ég þekki mann sem fór inn í Þjóðskjalasafnið fyrir nokkrum árum og hefur ekki komið þaðan aftur.

Fór í qi gong í morgun ásamt nokkrum Ljósálfum og búinn að hlusta á Wagner samfleytt frá áramótum. Ég og hamsturinn skildum sáttir en kötturinn hefur ekki látið sjá sig lengi.

Og nú er þetta orðið að þjóðskjali. Hvernig skyldi það nú verða flokkað? Þegar stórt er spurt...

[Björgvin Valur (IP-tala skráð) 27.2.2007 kl. 13:40]

Fjögur ár?  Á Tryggingastofnun að gera þetta?