Reynslusögur úr skoðanakönnunum

Alveg er þetta stórkostleg saga frá Strandamanninum sem tók tvisvar þátt í skoðanakönnun Fréttablaðsins í dag. Hann segir:

Rétt áðan hringdi í mig ung kona frá Fréttablaðinu og vildi að ég tæki þátt í skoðanakönnun. Ég gerði það. Hef líklega verið súperskemmtilegur af því fimm mínútum seinna hringdi hún aftur og vildi að ég tæki aftur þátt í sömu skoðanakönnuninni. Ég gerði það auðvitað, mér finnst gaman að vera í úrtaki í skoðanakönnunum.

Ég er mikill áhugamaður um skoðanakannanir og ég finn það að áhuginn bara vex og vex. Ég hef sjálfur svona svipaðar sögur, man t.d. eftir manninum sem sagði mér hissa að þegar hann var búinn að svara Fbl. spurði félagsvísindamaðurinn: Er konan þín nokkuð heima? fékk að tala við konuna og gerði hana samstundis að þátttakanda í úrtakinu, þannig fékk hann tvö svör út úr einu símtali og var helmingi fljótari að klára listann sinn.

Ég er að velta því fyrir mér að fara að safna svona sögum úr skoðanakönnunum. Reynslusögur og allt  sem tengist skoðanakönnunum vel þegið í komment.

Athugasemdir

[Sigurlín Margrét Sigurðardóttir, 24.2.2007 kl. 23:22]

Hérna færðu eina sögu af skoðanakönnunarsímtali.  Það er aldrei hringt í mig og spurt..;)

[Steini Briem (IP-tala skráð) 24.2.2007 kl. 23:57]

Nei, heyrðu mig nú, Sigurlín!!!

[Steini Briem (IP-tala skráð) 25.2.2007 kl. 00:08]

Gallup hringdi í mig fyrir nokkrum mánuðum og bauð mér þóknun fyrir að taka reglulega þátt í alls kyns skoðanakönnunum en ég afþakkaði það nú, enda var mér ekki boðið að drekka ókeypis bjór í lítravís áður en ég svaraði spurningunum.

[Ragnar Bjarnason, 25.2.2007 kl. 11:46]

Eftirfarandi tveimur spurningum var laumað að mér fyrir ekki löngu síðan: "eru fleiri samfylkingarmenn á þínu heimili?" og "gætirðu hugsað þér að kjósa samfylkinguna?" (Ætli það sé ekki búið að heimfæra þessar spurningar á VG núna?

[Pétur Gunnarsson, 25.2.2007 kl. 21:49]

Jahérna Sigurlín, hringdu endilega í þá og kvartaðu