Dómur hafnaði því að tölvupóstur staðfesti verksamning

Hvenær semur maður við mann og hvenær semur maður ekki við mann? Er tölvupóstur viðhlítandi sönnunargagn um það hvort verksamningur sé kominn á eða ekki? Þessu hafa menn velt fyrir sér í framhaldi af sambandsslitum Egils Helgasonar og 365. En í mars sl. kvað Héraðsdómur Norðurlands eystra upp dóm þar sem tölvupóstur var ekki talið gilt sönnunargagn, í því máli amk.

Maður sem taldi sig hafa gert verksamning við Atvinnuþróunarfélag Eyjafjarðar og byggði m.a. á tölvupóstum frá forsvarsmönnum þess tapaði málinu. Sjá nánar hér: Hróðmar Dofri Hermannsson gegn Atvinnuþróunarfélagi Eyjafjarðar. En ég dreg í efa að Dofri sýti það mikið að hafa misst af starfi hjá Atvinnuþróunarfélaginu vorið 2005. Ári seinna var hann orðinn varaborgarfulltrúi í Reykjavík og framkvæmdastjóri þingflokks Samfylkingarinnar.

Athugasemdir

[Gestur Svavarsson (IP-tala skráð) 8.6.2007 kl. 12:06]

Það er tvennt sem mér finnst merkilegt.

Ég er hissa á því að tölvusamskipti af þessu tagi séu ekki talin gild sönnunargögn. Þau hljóta að vera það með svipuðum hætti og fax. Enginn meginmunur eru á þessum tveimur formum samskipta.

Hitt er það að ekki vissi ég að Dofri / Hróðmar Dofri bæri þetta ágæta nafn.

[Óli Gneisti (IP-tala skráð) 8.6.2007 kl. 12:20]

Í fljótu bragði sýnist mér þetta mál allt annars eðlis. Það eitt og sér að tölvupóstar komi við sögu gerir þetta ekki sambærilegt.

[Axel Jón Fjeldsted (IP-tala skráð) 8.6.2007 kl. 14:09]

Þessir tölvupóstar á milli Ara og Egils eru auðvitað bara samtal alveg eins og þegar maður talar við mann í síma. Undirskrifaður samningur er allt annað er samtöl á millum manna í gegnum tölvupóst eða í gegnum símtól. Er það ekki þannig að fyrst tala menn saman og skrifa svo undir samning. Fyrst eru samskipti og svo viðskipti.

[Addi (IP-tala skráð) 10.6.2007 kl. 14:09]

Er lögfræðingur 365 í þessu máli ekki einn af Baugslögfræðingunum sem börðust fyrir því í Baugsmálinu að tölvupóstar væru ekki trúverðug sönnunargögn vegna þess hvað það væri auðvelt að falsa þá.

Núna þegar það hentar þeim þá finnst þeim að það sé í góðu lagi að nota tölvupóst sem sönnunargang. Það finnst mér mjög skondið og lýsir hugsunarhætti þessa manna.