Gleðibankinn

Björn Bjarnason kemur á framfæri þeirri tillögu að ríkisstjórnin verði kölluð Gleðibankinn í þessum nýja pistli á heimasíðu sinni. Hann hefur sett saman annan pistil sem útskýrir af hverju hann situr við hlið Ingibjargar Sólrúnar á ríkisstjórnarfundum. Það er ekki af því að þau hafi svo margt að spjalla.

Hér er tilvitnun í Björn þar sem hann ræðir nafngift á ríkisstjórnina:

Umræður um nafnið á ríkisstjórninni báru með sér, að annað hvort var reynt að gera lítið úr henni eða mikið. Vilji formanna stjórnarflokkanna stendur til þess, að stjórnin sé kennd við Þingvelli, vegna þess að þar hittust þeir til viðræðna um stjórnarsáttmálann. Raunar sagði glöggur maður við mig á föstudagsmorgun, eftir að hann sá forsíðumynd Morgunblaðsins af nokkrum glaðværum ráðherrum á tröppum Bessastaða, að besta stjórnarnafnið væri Gleðibankinn.

Athugasemdir

[Jens Guð, 27.5.2007 kl. 12:57]

 Humm.  Með Gleðibankanum ætluðu Íslendingar að sigra heiminn á sínum tíma.  Útkoman varð önnur.  Brotlending.  Er BB að gera ráð fyrir að sagan endurtaki sig?

[Anna Ólafsdóttir (anno) (IP-tala skráð) 27.5.2007 kl. 13:30]

Ég las þennan pistil Björns og fylltist stolti þar sem Gleðibankinn á alveg sérstakan stað í minni sál af ástæðum sem ég upplýsi ekki frekar um að sinni Ég hef í bloggfærslum mínum bæði efast um gjörðir Björns og hrósað honum fyrir margt sem hann hefur gert vel. Fyrir þessa nafngift fær hann stóra rós í hnappagatið frá undirritaðri.

[Guðmundur Auðunsson, 29.5.2007 kl. 12:52]

Var þetta ekki vitlaust fallbeyging hjá Birni. Átti þetta ekki að vera "Gleði bankanna"?

[Rögnvaldur (IP-tala skráð) 29.5.2007 kl. 22:11]

Baugur, Geir og Ingibjörg = BG og Ingibjörg.