Nýja stóriðjustefnan: Árangur áfram - ekkert stopp!

Gárungarnir hafa sagt undanfarin ár að það skipti engu máli hvern mann kjósi maður sé alltaf að kjósa Framsóknarflokkinn. Mér datt þetta í hug þegar ég horfði á blaðamannafund Ingibjargar Sólrúnar og Geirs Haarde sem stendur yfir í þessum orðum skrifuðum. Þau voru að útskýra stóriðjustefnuna og þegar ég hlustaði heyrði ég ekki betur en að stefnunni mætti lýsa með þessum orðum: Árangur áfram - ekkert stopp. Þannig að ríkisstjórn Sjálfstæðisflokks og Samfylkingar ætlar sér að framfylgja stefnu Framsóknarflokksins í virkjana- og stóriðjumálum. Gárungarnir virðast hafa eitthvað til síns máls, það þarf ekki að kjósa framsókn til þess að tryggja stefnu framsóknar framgang.

Á mbl.is segir: "Geir H. Haarde, forsætisráðherra, sagði að í þessu fælist ekki formlegt stóriðjustopp. „Við erum ekki að beita stjórnvaldsaðgerðum til að stöðva orkufyrirtæki," sagði Geir."

Stefnt að lækkun skatta á kjörtímabilinu

Athugasemdir

[Oddur Ólafsson, 23.5.2007 kl. 12:33]

Sem sagt Fagra Álver en ekki Fagra Ísland....

[Kallaðu mig Komment, 23.5.2007 kl. 13:52]

Til hamingu með samstarfið við Byr! Auglýsingin er ekkert alltof truflandi, tekur sig bara vel út.

[Pétur Gunnarsson, 23.5.2007 kl. 14:38]

Já mér finnst þetta bara ágætt, Komment, þakka þér.

[Svava frá Strandbergi , 23.5.2007 kl. 19:58]

Framsókn er þá Guðjón bak við tjöldin.

[María Kristjánsdóttir, 24.5.2007 kl. 00:42]

Ég heyrði brandarann svona: það er alveg sama hvað maður kýs, alltaf kemur Finnur Ingólfsson upp úr kjörkassanum. Örlítið breytt merking. Gat ekki stillt mig um að smella á þig, þrátt fyrir auglýsinguna.