Raunveruleg sveifla í gangi

Mér sýnist mega álykta af þessu að að  það er í gangi raunveruleg sveifla til Framsóknarflokksins, sem vísbending kom fram um í Capacent könnuninni í gær, og sú sveifla kemur fram á lokaspretti kosningabaráttunnar.

Capacent er að mæla pólitíska landslagið í gær og fyrradag en könnun Félagsvísindastofnunar var að mestu tekin fyrir helgi.

Ég gæti trúað að yfirlýsing Valgerðar Sverrisdóttur um að flokkurinn fari ekki í stjórnarsamstarf fái hann útreið í kosningum sé hér að hafa áhrif.

Á morgun koma amk þrjár kannanir, stór könnun Fréttablaðsins, könnun Blaðsins og síðasta könnun Capacent.

Samfylking og VG bæta við sig

Athugasemdir

[Anna Ólafsdóttir (anno) (IP-tala skráð) 10.5.2007 kl. 16:28]

Ég sagði í enhverju kommenti að Valgerður væri hér að leika ákveðinn pólitískan leik. Sagðist þá ekki vita hvort hann myndi virka. Sýnist það vera raunin. Stundum höfum við konurnar vinninginn þegar kemur að innsæinu - segi bara svona . Í öðru bloggi sagðist ég óska þess að það væri hægt að kjósa fólk fremur en flokka í ríkisstjórn. Ég myndi ekki hika við að velja Valgerði í þá stjórn, ekki þó sem iðnaðarráðherra, frekar samgöngu. Finnst hún líka hafa staðið sig vel í utanríkisráðuneytinu. Hún er heiðarlegur og vandaður stjórnmálamaður

[Pétur Gunnarsson, 10.5.2007 kl. 16:31]

Alveg sammála því, hún er flott, fleiri hafa sagt þessi augljósu sannindi að Framsókn fari ekki stjórn með lélegt fylgi og þessi uppstilling að stjórnin falli ekki þótt framsókn sé að bíða afhroð og fáránleg, stjórnin er ekki í kjöri, stjórnarsamstarfinu lýkur í lok kjörtímabilsins og þarf að taka sérstaka ákvörðun um að endurnýja það í ljósi þeirrar útkomu sem flokkurinn fær í kosningum.

[Pétur Gunnarsson, 10.5.2007 kl. 16:32]

en það sem ég ætlaði að segja er að það er eins og það hafi ekki komist almennilega í gegn fyrr en Valgerður sagði það,.