Sérfræðingar og frambjóðendur

Fyrsta frétt Stöðvar 2 var viðtal við Elvira Méndez Pinedo, sérfræðing í Evrópurétti, og hún telur að það hafi verið vegið að grunnstoðum réttarheimspekinnar með ákvörðun um að veita verðandi tengdadóttur Jónínu Bjartmarz ríkisborgararétt. Stöð 2 taldi ekki ástæðu til þess að upplýsa okkur áhorfendurna um það að Elvira Méndez Pinedo skipar 4. sætið á framboðslista Íslandshreyfingarinnar í Reykjavíkurkjördæmi suður. Sömu mistök gerði Blaðið í dag. Ég segi eins og Ómar að ég er ekki sérfræðingur í Evrópurétti en hitt tel ég mig geta sagt að það er ekki í samræmi við útbreiddustu hugmyndir um góða  blaðamennsku að leiða fram manneskju sem hlutlausan sérfræðing í pólitísku máli án þess að geta þess að sami sérfræðingur er pólitíkus í framboði til Alþingis.

Athugasemdir

[Ingi Björn Sigurðsson, 6.5.2007 kl. 01:41]

Reyndar byggðu fréttir stöðvar tvö á pistli Elviru um þrjár undirstöður laganna sem má sjá http://elvira.blog.is/blog/elvira/entry/198838/ .. Persónulega vissi ég ekkert um Elviru áður en ég rakst á blog hennar. Að mínu mati er hún sá frambjóðandi sem hefur ritað hvað athyglisverðustu pistlana og greinarnar í þessari kostningabaráttu, eins og til að mynda greinina um græna vöxtinn http://elvira.blog.is/blog/elvira/entry/166236/