Úthverfapakk - nei takk

Það koma fram athyglisverðar upplýsingar fyrir minn smekk í smáletursdálkinum frá Degi til dags í Fréttablaðinu í dag. Þar er Sigríður Björg Tómasdóttir, fréttastjóri, búinn að leggjast í þá rannsóknarvinnu að telja í hvaða póstnúmerum efstu menn framboðslista búa. Hún kemst að því að hvorki fleiri né færri en sjö af efstu 10 frambjóðendum Samfylkingarinnar í báðum Reykjavíkurkjördæmunum eru búsettir í Mið- eða Vesturbæ Reykjavíkur, þ.e. póstnúmerum 101 og 107. Já, 14 af 20 efstu hjá Samfylkingunni í Reykjavík eru úr þessum hverfum. 

Hjá VG er staðan þannig í Reykjavík norður af 4 af 5 búa í 101 eða 107 en sá fimmti alla leið austur í Norðurmýri sem er vitlausu megin við landamæri 101 og 105.  Í Reykjavík suður er staðan önnur hjá VG, þar eru fjórir af fimm úr 108 eða 105. Athyglisvert.

Athugasemdir

[Björgvin Valur (IP-tala skráð) 5.5.2007 kl. 09:57]

Það er gott Pétur, að Sigríður skulir ekki hafa eytt tíma í að tiltaka búsetu frambjóðenda Framsóknarflokksins því hún skiptir ekki máli lengur í því samhengi. 

Hinsvegar gæti staðsetning skipt máli fyrir nv. þingmenn Framsóknar í Reykjavík þegar kemur að því að leita að nýrri vinnu eftir 12. maí.

[Guðmundur Ragnar Björnsson, 5.5.2007 kl. 12:45]

Það er greinilegt að fólk austan Elliðaánna á ekki greiða leið í framboð hjá vinstri flokkunum. Hvað ætli ráði því?

[Pétur Gunnarsson, 5.5.2007 kl. 12:52]

Já, Guðmundur og varla einu sinni fólk austan Snorrabrautar.

[Bjarni M. (IP-tala skráð) 5.5.2007 kl. 15:23]

Sem sagt það er nokkuð til í því þegar landsbyggðarfólk kvartar yfir því að það sé kaffihúsalið í 101 sem berjist harðast gegn því að það geti nýtt orkuna sína til að byggja upp öfluga kjölfestu fyrir atvinnulífið sitt. 

[Pétur Gunnarsson, 5.5.2007 kl. 20:08]

Þessar upplýsingar benda líklega í þá átt, Bjarni, og kannski er þetta líka einhver skýring á því að vinstri flokkarnir hafa ekki verið mjög áhugasamir um samgöngubætur í borginni enda er það fyrst og fremst vandamál í lífi fólks í austurhluta borgarinnar og í nágrannasveitarfélögunum.