Er þetta ekki orðið gott?

Ásta Ragnheiður Jóhannesdóttir var að skrifa grein í Moggann í morgun og tala um hvað það væri sniðugt að skipta um stjórnendur á tólf ára fresti, eins og gert var í Landsvirkjun á dögunum. Ég er alveg sammála henni um að það var kominn tími á Jóhannes Geir og þótt fyrr hefði verið. Hún leggur til að skipt verði líka um ríkisstjórn enda hafi þessi setið í 12 ár. Gott og vel.

En má taka þetta lengra og benda Ástu Ragnheiði á að hún hefur sjálf setið á þingi í 12 ár eða frá 1995. Er ekki bara kominn tími á hana? Hún hefur setið lengur á þingi en nokkur ráðherra Framsóknarflokksins, sem nú er í kjöri hefur setið í ríkisstjórn.  Lengstan ráðherraferil eiga Valgerður og Guðni að baki en bæði settust í ríkisstjórn árið 1999. Þá hafði Ásta Ragnheiður setið á þingi í 4 ár. Af hverju ekki að standa upp fyrir Kristrúnu eða Völu Bjarna?

Athugasemdir

[Gunnar Björnsson, 28.4.2007 kl. 19:29]

Þarna ferðu með rangt mál.  Guðni og Valgerður settust á þing árið 1987 eða átta árum áður Ásta settist á þing svo það eru miklu frekar kominn tími þau en Ástu.

Afhverju ekki að standa upp fyrir Bjarna Harðar eða Helgu Sigrúnu og Birki Jón eða Höskuldi Þór?

[Pétur Gunnarsson, 28.4.2007 kl. 19:42]

Takk Gunnar, búinn að leiðrétta, sló saman vírum, var að meina að hún hefði lengur á þingi en þau ráðherrar.

[Lýður Pálsson, 28.4.2007 kl. 19:59]

Skelfilega vitlaus grein hjá Ástu Ragnheiði og reyndar, aldrei þessu vant,  einnig bloggfærslan hjá þér félagi.   Endurnýjun á sér reglulega stað innan flokka og vissulega er það rétt að Guðni og Valgerður settust bæði á þing árið 1987, fyrir 20 árum, ekki árið 1999. En er ekki kominn tími til að  Steingrímur J. Sigfússon og starfsaldursdrottningin Jóhanna Sigurðardóttir standi upp fyrir ferskara fólki? Þau eru búin að vera á þingi í 24 og 29 ár og hljóta því að fara að teljast hluti af húsgögnum alþingishússins. Bæði búin að vera ráðherrar. Bak við grímu Steingríms og Jóhönnu má væntanlega finna útbrunna og þreytta pólitíkusa!