JFM og Þorgerður saman á balli í Köben?

Lárus Vilhjálmsson, sem skipar 3ja sæti á lista Íslandshreyfingarinnar í Kraganum átti stærstu fréttina í leiðtogaþætti kjördæmisins á Stöð 2 í kvöld. Hvað var Lárus þriðji að gera í leiðtogaþætti? Egill Helgason spurði einmitt að því og ekki stóð á svarinu:

Lárus sagði að oddviti íslandshreyfingarinnar í kjördæminu, Jakob Frímann Magnússon, væri í Kaupmannahöfn að spila með Stuðmönnum á árlegum Kaupmannahafnartónleikum Stuðmanna og Sálarinnar. Lárus lét ekki þar við sitja heldur lét fylgja sögunni að Þorgerður Katrín Gunnarsdóttir, leiðtogi sjálfstæðismanna í sama kjördæmi, væri líka á þessu balli. Hvort það er satt veit ég ekki en hitt veit ég að í hennar stað var Bjarni Benediktsson mættur í leiðtogaþáttinn en hann skipar einmitt 2. sætið á lista Sjálfstæðismanna í Kraganum. 

Athugasemdir

[Magnús Þór Hafsteinsson, 19.4.2007 kl. 00:47]

"Æ, æ, æ ljótur blönder" tuldraði ég og gretti mig þegar Lárus sagði frá þessu í þættinum. Ég var á staðnum og horfði á þetta gerast.

Sá stax fyrir mér menntamálaráðherra og Stuðmanninn fljúgandi í gróðurhúsalofttegundamengandi álflugvél með hinu þotuliðinu á vit gleðinnar í Köben þar sem stiginn var hrunadans við magnaða tónlist sem göldruð var fram úr rafhljóðfærum sem fengu orku sína úr sænsku kjarnorkuveri...

Umhverfisvænir Íslandsvinir á erlendri grundu sem máttu ekki vera að því að mæta eigin þjóð og kjósendum í sjónvarpsútsendingu vegna aðkallandi verkefna í dýrlegum fagnaði íslensku útrásarelítunnar sem lifir lífi sem almúginn á landinu bláa fær einungis heyrt og séð afspurnar á síðum Séð&Heyrt.

Þetta er Ísland í dag.

[Egill Óskarsson, 19.4.2007 kl. 00:59]

Talandi um flugvélar og 'blöndera' Magnús, hvar geymirðu 'spitfæerinn'?

[doddi (IP-tala skráð) 19.4.2007 kl. 01:04]

það fyndna við þessa tónleika/ball er að fyrir það fyrsta það kostaði fúlgur fjár að fara og í öðru lagi þetta var á virku kvöldi. og samt sögðu menn að þetta væri fyrir okkur sme búum hér í kóngsins köben. en ef grant er skoðað kemur í ljós að þetta var sett upp svo að þotuliðið á klakanum hefði eitthvað að gera. ég persónulega hefði haft áhuga að fara með spúsu minni en við þurftum bæði að vakna snemma næsta dag þannig að við sátum heima

[Júlíus Garðar Júlíusson, 19.4.2007 kl. 13:47]

Lalli var langflottastur þarna í gær og auðvitað átti hann að segja frá þessu - Það þarf nú að dansa aðeins þó að það séu að koma kosningar - kannski ættu fleiri að huga að því að dansa aðeins þessa dagana þeir verða þá kannski aðeins léttari, skemmtilegri og jákvæðari á eftir.