Skarð fyrir skildi

Það verður skarð fyrir skildi á Morgunblaðinu þegar Ragnhildur Sverrisdóttir, einn reyndasti blaðamaður ritstjórnarinnar, lætur af störfum fljótlega. Hún hefur sagt upp án þess að vitað sé hvað hún hyggst fyrir. Mogginn ræður ekki í stað þeirra starfsmanna sem segja upp störfum og ræður ekki nýja því að enn er verið að draga saman seglin.  Í byrjun mars var tveimur af elstu blaðamönnum blaðsins sagt upp í sparnaðarskyni og svo missti Mogginn nokkra reynda blaðamenn þegar Króníkan var stofnuð.