Fengitími og forsagan

Það er ekki nýtt að stjórnmálaforingjar vinni að ríkisstjórnarmyndun fyrir kosningar. Drög að stjórnarsamstarfi Sjálfstæðisflokks og Framsóknarflokks voru lögð á einkafundi Davíðs Oddssonar og Halldórs Ásgrímssonar á Þingvöllum um páskana 1995. Hið sama gæti verið uppi á tengingnum nú milli VG og xD.

Fréttin sem hér var sögð um einkafund Geirs H. Haarde og Steingríms J. Sigfússonar hefur greinilega valdið titringi í herbúðum VG. Á skömmum tíma hrúgast hér inn komment frá spunadeild VG.  Það er skiljanlegt að VG sé ekki ánægt með að þessi fundur hafi spurst út en þannig er það nú samt.

Það er á margra vitorði að Árni Þór Sigurðsson, borgarfulltrúi, reyndi í aðdraganda borgarstjórnarkosninganna að semja við Vilhjálm Þ. Vilhjálmsson um samstarf VG og Sjálfstæðisflokks.  Árni bað Vilhjálm að hafa þolinmæði  meðan VG setti á fót leikrit að loknum kosningum til að róa vinstriarm flokksins. VG treysti sér ekki í viðræður við Sjálfstæðisflokkinn nema vera áður búið að tala við samstarfsmenn sína í R-listanum, vissi sem var að annað mundi leggjast illa í baklandið. Hugurinn stóð þó til samstarfs við Sjálfstæðisflokkinn. Vilhjálmur var ekki tilbúinn að taka þátt í spunaleikritinu með Árna Þór og því varð ekki úr samstarfi. Nú er Árni Þór búinn að kommentera á eldri færsluna og reyna að spinna sig út úr sögunni um fund Steingríms og Geirs. Hann vill ekki að baklandið viti af þessum þreifingum.

Athugasemdir

[Árni Þór Sigurðsson, 26.3.2007 kl. 12:32]

Geturðu þá ekki sagt okkur hvar og  hvenær umræddur fundur fór fram?

[Stefán Bogi Sveinsson (IP-tala skráð) 26.3.2007 kl. 13:16]

Getur þú Árni, sagt okkur að fundurinn hafi ekki farið fram? Það biður enginn um meira en að þú talir eftir þinni bestu vitneskju.

[Árni Þór Sigurðsson, 26.3.2007 kl. 15:48]

Samkvæmt minni bestu vitneskju hefur umræddur fundur ekki farið fram og er því spuni.

[Pétur Gunnarsson, 26.3.2007 kl. 15:53]

Hefurðu rætt við Steingrím eða Hugin Frey, Árni Þór, og spurt þá að þessu? En segðu okkur í leiðinni meira af viðræðum þínum við Vilhjálm Þ í aðdraganda borgarstjórnarkosninganna?

[Ibba Sig., 26.3.2007 kl. 16:36]

Slagur, slagur, slagur!! Bara eins og í grunnskóla!

[Pétur Gunnarsson, 26.3.2007 kl. 19:38]

Nei, Hrafnkell, það gerði hann ekki. Sjá hér að ofan, hann fullyrti að þetta væri lygi úr framsóknarmönnum en ef þetta er lygi þá er það lygi úr hans eigin manni.