Hvað með samráð banka og verðbréfafyrirtækja?

Í tilefni af því að Samkeppniseftirlitið réðist í gær til atlögu gegn samráði fyrirtækja í ferðaþjónustu langar mig að koma á framfæri við stofnunina þeim upplýsingum að hér í landinu er starfandi félagsskapur sem heitir Samráð banka og verðbréfafyrirtækja, ef ég man rétt, sem hefur það að markmiði að samræma aðgerðir bankanna gegn neytendum.

Minni svo á þessi ódauðlegu orð Adam Smith:

People of the same trade seldom meet together, even for merriment and diversion, but the conversation ends in a conspiracy against the public, or in some contrivance to raise prices. It is im-possible indeed to prevent such meetings, by any law which either could be executed, or would be consistent with liberty and jus-tice. But though the law cannot hinder people of the same trade from sometimes assembling together, it ought to do nothing to facilitate such assemblies; much less to render them necessary.

Athugasemdir

[Steini Briem (IP-tala skráð) 3.3.2007 kl. 12:40]

Hjúkk! Ég las þetta fyrst sem "Samræði banka og verðbréfafyrirtækja". Mér líður mikið betur núna. En mér skilst að þessi félagsskapur hafi fengið lóð í Öskjuhlíðinni.

[Herbert Guðmundsson, 3.3.2007 kl. 16:17]

Er eitthvað í ólagi? Eins ótrúlegt og það er að til séu samtök fyrirtækja sem bera nafnið Samráð ... Minnisleysi? En til eru Samtök fjármálafyrirtækja, www.sbv.is, sem eiga sér forsögu eins og lýst er á vef þeirra. Ertu viss um að markmið þeirra sé að samræma aðgerðir gegn neytendum? Þú þarft eiginlega að gera hreint fyrir þínum dyrum í þessu efni.

[Pétur Gunnarsson, 4.3.2007 kl. 11:03]

Ja Herbert  ég lít svo á að samtök atvinnugreina séu hreinræktuð lobbíistasamtök sem vinna að þröngum sérhagsmunum - þetta er arfur frá því miðstýrða þjóðfélagi sem við bjuggum í fram á síðasta áratug. Og orð Adams Smith sem ég vitnaði til hitta naglann á höfuðið enda margoft til þeirra vitnað. Það er eitt af undrum íslenskrar þjóðmálaumræðu hve mikið vægi samtök af þessu tagi fá í henni, hvort sem þau tengjast fyrirtækjum eða starfsmönnum í einstökum starfsgreinum. Það hefur verið og er enn íslenska aðferðin. En já, ég fór ekki rétt með nafnið þau hétu Samtök banka... en heita nú Samtök fjármálafyrirtækja.

[Axel Jón Fjeldsted (IP-tala skráð) 5.3.2007 kl. 10:20]

Auðvitað eru samtök atvinnulífsins lobbístar og hafa verið frá upphafi.  Það hafa hins vegar ekki Bændasamtökin alltaf verið en eru núna ekkert annað en lobbíistasamtök sem hafa ótrúleg pólitísk ítök.