Enga pólitíska seðlabankastjóra

Flokksþing Framsóknarflokksins er í þann veginn að fara að afgreiða ályktanir sínar og er verið að dreifa þeim eftir meðferð í nefndum. Einn moli í ályktun um efnahagsmál vakti athygli mína. Hann er svona:

 

·         Afnema pólitískar ráðningar seðlabankastjóra.

Minni á að þegar Jón Sigurðsson lét af starfi Seðlabankastjóra hafnaði framsókn því að skipa eftirmann hans. 

 

Athugasemdir

[Steini Briem (IP-tala skráð) 3.3.2007 kl. 12:19]

Undirritaður hafði eitt sinn þann starfa að vera öryggisvörður í Seðabankanum. Skrifborð Jóhannesar Nordal var ætíð þakið alls kyns pappírum og útreikningum. Hagfræðibækur upp um alla veggi. En skrifstofur hinna bankastjóranna voru í anda Howard Hughes. Ekki eina bók eða blaðsnifsi var þar að finna, ekki einu sinni töluna núll eða uppáhaldsbókina mína um hann Láka púka. Hins vegar var þar útsýni gott yfir Sundin blá og auðvelt að falla í dagdrauma um vín og villtar meyjar. Annað atriði sem mér kom þægilega á óvart í þessu musteri Mammons var gullforði okkar Klakverja. Ég hélt að hann væri á bakvið eldspítustokk í kjallaranum en það var nú öðru nær. Þar svignuðu rammgerðar hillur undan þverhandarþykkum gullklumpum, líkt og borð í þingveislum undan sviðakjömmum og súrsuðum hrútspungum. Fort Knox bliknar í öllum samanburði. Handleggsþykk stálhurð með tveim talnalásum sem einungs tveir menn kunna á og tvöfaldir steinsteypuveggir allt um kring með lofttæmi á milli. Ef einhverjir óknyttadrengir kæmust í gegnum ytra byrðið og loft kæmist inn, færu svo háværar vekjaraklukkur í gang að jafnvel Vopnfirðingar myndu halda að kominn væri fótaferðartími.