Fréttablaðið kannar skoðanir

Fréttablaðið hefur gert skoðanakönnun í dag, spurt um fylgi við flokkana, traust á stjórnmálamönnum og fleira.

Hingað til hefur Fréttablaðið gert kannanir með um 800 manna úrtaki og þannig hafa þær að öllu leyti sambærileg við þær kannanir sem Fréttablaðið hefur gert undanfarin ár, DV þar á undan árum saman og Blaðið gerði í fyrsta skipti í síðustu viku. Einhverjir voru að gagnrýna það að niðurstöður könnunar Blaðsins hefðu aðeins birtst á svörum um 350 manna en það er bara ekkert nýtt við það, það er algengur fjöldi þeirra sem hafa gefið sig upp í þessum könnunum blaðanna allra undanfarin ár og áratugi. Þetta hefur oft og iðulega verið gagnrýnt en aldrei hefur gagnrýnin þó verið jafnhávær og eftir að könnun Blaðsins sýndi að fleiri gáfu sig upp sem stuðningsmenn VG en Samfylkingarinnar.

Þess vegna verður fróðlegt að sjá hvort Fréttablaðið heldur ekki bara sínu striki með stærð úrtaksins eða hvort það bregst við þeirri hörðu gagnrýni sem fram kom á aðferðafræðina í liðinni viku með einhverjum hætti, eins og þeim að stækka úrtalið.

Það er svo athyglisvert við þessa könnun að hún er gerð sama daginn og kosningabaráttan hefst eiginlega formlega með birtingu auglýsingar frá Samfylkingunni í Blaðinu í dag. 

Athugasemdir

[Sigríður Laufey Einarsdóttir, 11.2.2007 kl. 08:27]

Ekki trausvekjandi könnun. Ekki raunhæfur möguleiki að t.d. framsókna fái tvo þingmenn? Virðist vera "stórfjölskyldukönnun" á stjórnarheimili Samfylkingunnar.

Leiðinleg kosningabarátta ef hún verður skoðanakannanir á víxl. Það góða við svoleiðis baráttu er að enginn tekur mark á þeim. Var Ingibjörg enn einu sinn að skjóta sig í fæturna?

"

[Pétur Gunnarsson, 11.2.2007 kl. 12:16]

Athyglisverðar spurningar, ég er alveg sammála þér um að þessar kannanir eru ekki merkilegar en þær hafa ótvírætt áróðursgildi og þarna eru rúmlega 45% úrtaksins að neita að svara spurningunni.

[Bjarnveig Ingvadóttir, 11.2.2007 kl. 12:36]

trú ekki öðru en að framsókn fái mun meira fylgi, held að 14% sé nær lagi

[Pétur Gunnarsson, 11.2.2007 kl. 12:38]

Sammála Bjarnveig, 12-15%

[Kleópatra Mjöll Guðmundsdóttir (IP-tala skráð) 11.2.2007 kl. 13:26]

tek ekki mark á skoðunnarkönnunum, hver veit hvort fólk svari yfirleitt sannleikanum samkvæmt eða ekki

[Pétur Gunnarsson, 11.2.2007 kl. 13:28]

Mikið til í því og svo er líka spurningin um hver kannar. Það er haft eftir Stalín sáluga að það skipti ekki máli hver kýs heldur hver telur atkvæðin.