Spámaður á Dalvík: D og S í næstu stjórn

Kristján Þór Júlíusson, oddviti sjálfstæðismanna í í Norðausturkjördæmi, var á kosningafundi í Dalvík í síðustu viku en þar bjó hann árum saman og hóf pólitískan feril sinn í bæjarstjórastólnum þar. Á fundinum sagði Stjáni blái að ríkisstjórnarsamstarfinu væri lokið hvernig sem kosningarnar færu. Sjálfstæðisflokkurinn og Samfylkingin myndi næstu ríkisstjórn.

Best gæti ég trúað því að þetta væri rétt hjá honum Kristjáni Þór og að það væri jafnvel búið að ganga frá þessu. Í þeirri ríkisstjórn er ekki ólíklegt að Kristján L. Möller oddviti Samfylkingarinnar í Norðausturkjördæmi verði ráðherra. Það er hins vegar afar ólíklegt að Kristján Þór Júlíusson stökkvi beint inn í ríkisstjórn. Hann yrði þess vegna að  láta sér nægja þrenn laun, amk fram eftir kjörtímabili, þ.e. þingfararkaup, biðlaun bæjarstjóra, og laun forseta bæjarstjórnar. Ráðherralaunin koma kannski seinna.

Athugasemdir

[Sveinn Arnarsson, 6.5.2007 kl. 10:21]

Það er merkilegt að Kristján Þór skuli segja svona hluti á opnum fundi á Dalvík.

[Jóhann Rúnar Pálsson, 6.5.2007 kl. 10:25]

Kristjáni Þór svíður fundurinn á Húsavík þar sem hann fékk óþægilegar pillur frá hinum flokkunum þ.e. annarri en Samfylkingunni. Hann ætlar e.t.v. að nota áfram sama stjórnunarstíl á Alþingi og sem bæjarstjóri.

[Bjarni Harðarson, 6.5.2007 kl. 13:56]

kristján þór sagði líka stóra hluti um þjóðlendumál en ég sá litla eftirfylgni þeirra mála vera á landsfundi sjálfstæðisflokksins - þannig að er þetta ekki skot í myrkri...

[Friðrik Vilhelmsson (IP-tala skráð) 6.5.2007 kl. 18:46]

Pétur,  þú ert endalaust með einhverjar véfréttir og hálfskúbb á vefnum.  Varst þú á fundinum á Dalvík??   Ég var þar og mér er alveg ómögulegt að muna þessi orð Kristjáns sem þú vitnar í,  ég held að þau hefðu ekki farið fram hjá mér hefðu þau verið sögð!

[Pétur Gunnarsson, 6.5.2007 kl. 22:57]

Orð Kristjáns féllu á fundi hans með starfsmönnum Sæplasts á Dalvík. Það eru margir til vitnis um það það á þeim stað, sjálfstæðismenn sem og aðrið.

[Friðrik Vilhelmsson (IP-tala skráð) 7.5.2007 kl. 12:21]

Sæll aftur Pétur.    Ég var líka á "fundinum" í Sæplast (nú PROMENS) Dalvík.  Þetta var að vísu ekki fundur,  heldur glettnislegt spjall,  og eitthvað hefur efnið og það sem sagt var skolast til á framsóknarleiðinni til þín.

[Pétur Gunnarsson, 7.5.2007 kl. 12:27]

Sjáum hvað aðrir sem þar voru viðstaddir segja, Friðrik, og lestu það sem Stefán Friðrik hefur um þetta sagt.